Zgjedhjet në PD, vjen një njoftim nga Komisionit Elektoral: Anëtarë paraqituni pranë degëve

Pas 14 ditësh Partia Demokratike do të zgjedhë kryetarin e ri, me anë të votave të anëtarëve.

Pikërisht për këtë arsye, sot Komisioni Elektoral në PD, ka bërë një njoftim ku kërkon që të gjithë anëtarët që kanë një kartë anëtarësie nga 1991 e këtej të paraqiten brenda 4 ditësh në selitë në rrethe që të futen ne lista.

Njoftimi i plotë i Komisionit Elektoral në PD:

Komisioni elektoral i Partisë Demokratike, njofton se; Të gjithë anëtarët e PD që kanë një kartë anëtarësie të cilitdo vit, që nga viti 1991 e këtej, por nuk e kanë emrin në regjistrin elektronik të anëtarësisë, të paraqiten deri me datë 12 Korrik pranë degëve të PD ku banojnë, ku sipas udhëzimit, do të futen në një listë shtesë, për të bërë të mundur votimin me 22 Korrik, për zgjedhjen e kryetarit të PDSH.