Zgjedhjet për delegatët në Elbasan, Blushi përplaset me Ballën (VIDEO)

Procesi i votimit të delegatëve për në Kongres ka sjellë një përplasje të ashpër gjatë ditës së sotme mes deputetëve socialistë Ben Blushi dhe Taulant Balla.

Të ndodhur në Elbasan për të monitoruar procesin, Blushi ka shprehur pakënaqësi që sipas tij vijnë nga anëtarët.

“Në listën e kandidatëve për delegat është edhe kreu i qarkut të Elbasanit, Bukurosh Stafa. Ai ka votuar në 2007 kur ishte deputet, për presidentin e Saliut. Në elbasan një kastë ka në dorë gjithçka” – tha deputeti i këtij qarku.

Ndërkohë Blushi i është drejtuar Ballës më fjalët “Do bëni deputet bukuroshin e Saliut” duke iu referuar Bukurosh Stafës.

Nga ana tjetër, deputeti ‘rebel’ i ka kërkuar Ballës të shkojë në zyrën e tij në Librazh, por ky i fundit është shprehur se është deputet i të gjithë qarkut.

[youtube url=”https://www.youtube.com/watch?v=ipBzoAW2Al8&feature=em-uploademail” width=”560″ height=”315″]