Zgjedhjet – Rama: Pa shpresë se PD mund të kthehet në rrugën e arsyes

Kryeministri Edi Rama deklaroi sot në “Komunikimin Javor” se Partia Demokratike po shkruan faqen më të zymtë të historisë së saj.

Rama: 18 qershori, një proçes i vështirësuar artificialisht nga një parti historike e Shqipërisë dalë prej bunkerit të diktaturës. Sot për fat të keq është kthyer në një bunker plasmasi, po shkruan e izoluar nga bota dhe Europa faqen më të zymtë të historisë së saj.

Kryeministri Edi Rama tha se e vetmja gjë me rëndësi këto ditë është mesazhi i ndërkombëtarëve dhe veçanërisht letra e komisionerit evropian Johannes Hahn, sipas të cilëve, zhbllokimi i Vetting-ut do të vendosë fatin evropian të Shqipërisë.

Rama: Ja vlen të flasim për letrën e komisionerit Hahn për të mos lejuar ngecjen në vend. Duhet t’ju them se jo vetëm në letrën e komisionerit Hahn, po në të gjitha kontaktet mesazhi është shumë i qartë: reforma në drejtësi, votimi i  vetingut do të vendosin fatin evropian të Shqipërisë.

Bllofi i PD nuk ka funksionuar as brenda dhe as jashtë vendit jo e jo. Brenda vendit PD po humbet terren.

Jashtë vendit, PD-së i janë prerë të gjitha kontaktet serioze.

Një parti nuk mund ti thotë kurrë popullit se o ikën qeveria pa zgjedhje o zgjedhje nuk ka pa mua.

Europa i ka vlerësuar reformat dhe efektet e tyre në këto 3 vite e gjysëm që qeverisim. Qeveria jonë nuk është pa të meta, por është qeveri serioze. Kushdo e ka kuptuar që ne përpiqemi shumë, punojmë shumë për të bërë shtet. Ne i kemi dhënë Shqipërisë një dinjitet dhe një rol të gjithëpranuar, duke filluar nga rajoni ynë ku kemi ndikuar për një rajon paqeje.

Në Komunikimin Javor, kreu i qeverisë nuk i kurseu as ironitë me kundërshtarin e tij politik, Lulzim Basha, duke thënë se si populli i Shqipërisë ashtu dhe zyrtarët e huaj e kanë humbur plotësisht besimin tek ai.

“Kjo që kaloi ishte një javë kuptimplotë për Shqipërinë që duam. Letra e Hahn ishte moment kulmor i marrëdhënieve të BE me vendin tonë. McAllister dhe Hahn kërkuan të bindin PD-në të kthehet në rrugën e arsyes. Me arratisjen e PD në rrugën e vetëshkatërrimit, e lëmë atë dhe merremi me letrën e komisionerit Hahn. Jo vetëm në letrën e tij, por në të gjitha komunikimet thelbi është i qartë: Reforma në Drejtësi, që do vendosë fatin evropian të Shqipërisë. PD po humbet terren në çdo orë që kalon, lidershipi i tyre i verbër po humb mbështetjen në bunkerin prej plasmani.

Jashtë vendit, PD-së i janë ndërprerë të gjitha kontaktet serioze. Askush nuk merret më me PD, dhe s’ka ngelur forcë e madhe në Europë që të kuptojë që PD është avokatja e fundit  e sistemit të vjetër të drejtësisë. Kurrën e kurrës nuk do të jetë shansi i askujt për të marrë peng zgjedhjet,” tha Rama.

vijon…