Zv/kryeministri Pacolli: Jo ndarje të Kosovës!

Zëvendëskryeministri i Kosovës, njëherësh ministër i Punëve të Jashtme i vendit, Behgjet Pacolli, ka reaguar rreth ndarjes së mundshme të Kosovës, si rezultat i dialogut përfundimtar ndërmjet Kosovës dhe Serbisë.

Ai i ka thënë jo kësaj mundësie, duke shtuar se Kosova tashmë është mjaft e ndarë. Pacolli ka thënë gjithashtu se nuk ka asnjë mundësi për ndarje të mëtejshme të territorit të vendit.

Postimi i plotë:

JO NDARJE TË KOSOVËS!

Shoh se shumë qytetarë aktualisht janë të shqetësuar për një të ashtuquajtur “ndarje” të Kosovës. Vendi ynë është mjaft i ndarë. Nuk ka asnjë mundësi për ndarjen e mëtejshme të territorit tonë. Unë mendoj dhe shpresoj se asnjë udhëheqës shqiptar nuk do të ishte aq naiv.