Zv/kryeministrja Mandia firmos-vulos, Edi Rama nuk njeh raportin e vulosur
Ndodh edhe kështu. Ministrat teknikë me në krye Zv.Kryeministren Ledina Mandija kanë publikuar këtë të enjte raportin e tyre në lidhje me problematikat dhe shkeljet ligjore të fushatës elektorale dhe zgjedhjeve të 25 qershorit.
Edhe pse ditën e djeshme Kryeministria tha se nuk e njeh raportin, vula e kryeministrisë është stampuar ditën e sotme në letrat përcjellëse të ish-zv/kryeministres Mandija, dërguar subjekteve politike dhe institucioneve të vendit dhe të huaja në lidhje po me raportin.
Burime pranë ish-zv/kryeministres thonë se një protokollim dhe vulosje e tillë nga institucioni i Kryeministrisë i shkresave përcjellëse për raportin mbi zgjedhjet e 25 qershorit tregon se raporti është tërësisht legjitim. Më poshtë janë shkresat përcjellëse të vulosura sot.
Kjo nuk ka ndodhur asnjëherë në administratën shqiptare, ku kryeministri nuk njeh raportin me shkrim e me vulën e tij të kryeministrisë, ndërkohë që raporti me shkrim i dyshit qeverisës thotë se njeshi qeverisës ka vjedhur votat.
Si rregull kryeministri Rama duhej që në momentin se ministrat dhe zv/kryeministri kanë dhënë dorëheqjen e parevokueshme duhej ti zëvëndësonte. Ministrat me zv/ministrin përkatës dhe vulat bllokoheshin. Tashmë raporti kundër zgjedhjeve dhe që thotë se Rama bleu e vodhi zgjedhjet është me vulë të qeverisë shqiptare.
E padëgjuar!
KOHA JONË SONDAZH
