Pasi Lulzim Basha foli për afro 1 orë në Kuvend, nuk mungoi as replika nga kryeministri Edi Rama. Ai u shpreh se fjalimi i Bashës ishte kryesisht një kopje e atyre në fushatë dhe shtoi se nuk është koha që t’i kthejë përgjigje deri në fund.
”Prisja më shumë, por sinqerisht si mund të vije në emër të opozitës në këtë moment që ju e quajtët të rëndësishëm, me një fjalim që treçerekun e kemi copy-paste nga fjalimet e fushatës. Ndërsa pjesa tjetër ishte vetëm përsëritje, që mund të jetë edhe shkak i stresit, por nuk është kjo koha që unë të të përgjigjem deri në fund, sepse ke boll kumrie. Unë këtu ndalem”,-tha Rama.
