Drejtori i Përgjithshëm i Policisë së Shtetit, Muhament Rrumbullaku, ka zhvilluar takimin e përvitshëm me gazetarët për punën e Policisë gjatë vitit 2023.
Gjatë këtij takimi, Rrumbullaku i ka kushtuar vëmendje të veçantë procesit të vetëpastrimit të strukturave të Policisë.
Sa i takon plotësimit të formularëve, ai tha se janë mbledhur të gjitha, por askush nuk ka pranuar që ka patur Sky Ecc apo EncroChat.
Të gjithë punonjësit e policisë së shtetit, gardës së republikës dhe Agjencisë së Mbikqyrjes Policore, që prej fillimit të dhjetorit kanë patur tashëm rreth 30 ditë kohë për të vetëdeklaruar nëse kanë qenë përdorues të rrjetit Sky dhe Encro Chat.
