TURQI – Çifti i njohur i kinematografisë turke ka kurorëzuar romancën e tyre disavjeçare. Bëhet fjalë për Burak Ozcivit dhe Fahriye Evcenin, të cilët para altarit i kanë thënë po njëri-tjetrit.

Në ceremoninë e organizuar në supervilën Sait Halim Paşa Yalısı të Stambollit ishin të pranishëm shumë miq dhe familjarë të dyshes. Të gjithë shikuesit e serialit “Kara Sevda” e njohin aktorin turk, i cili në këtë serial luan rolin kryesor, atë të Kemalit.

Ndryshe, së fundi kurorëzuan lidhjen edhe aktori tjetër turk Tolgahan Sayisman dhe bukuroshja shqiptare Almeda Abazi. Fotot janë postuar nga çifti në rrjetet sociale.