George Clooney bëhet baba për herë të parë, gruaja e tij lindi binjakë

Aktori i njohur George Clooney është bërë baba për herë të pare, pasi gruaja e tij ka lindur binjakët Ella dhe Alexander të martën. Mendohet se Amal Clooney ka qenë në shtëpinë e saj në Angli kur ka ndjerë dhimbjet e para. George nuk ka reaguar për këtë lajm që po qarkullon, pasi mund të jetë duke shijuar momentet e para me fëmijët. Këtë gjë e ka bërë të ditur një gazetar për agjencinë e lajmeve ‘Associated Press.’ Modelja Cindy Crawford tregoi para pak kohësh se do të vinte në jetë një djalë dhe një vajzë, pasi publikoi dhuratat që kishte blerë për ta.