Një burrë tenton të rrëmbejë Lana Del Rey

Ai e ka kërcënuar shumë herë këngëtaren nëpërmjet rrjeteve sociale. Një burrë me thikë në dorë është arrestuar jashtë koncertit të këngëtares së njohur Lana Del Rey dhe akuzohet për tentativë rrëmbimi. Michael Hunt, 43 vjeçar, nga Florida është kapur jashtë koncertit të këngëtares “Amway Center” në Orlando të premten mbrëma, pasi policia mori një paralajmërim për një rrëmbim potencial. Hunt mbante në dorë një thikë, thuhet në një postim në Twitter të Departamentit të Policisë së Orlandos. Ai është duke u mbajtur në burgun Orange County, me akuzën për kërcënim të rëndë dhe tentativë për rrëmbim me armë.