Schwarzenegger: Më vjen për të vjellë kur shihem në pasqyrë

Në një intervistë të dhënë së fundmi, aktori Arnold Schwarzenegger ka thënë se kurrë nuk ka qenë i lumtur me trupin e tij dhe se ai vuan nga mungesa e besimit. 69-vjeçari shton se problemi është bërë edhe më serioz me kalimin e viteve, pasi e ka të pamundur të vazhdojë të ketë një fizik perfekt. “Kur shihem në pasqyrë, më vjen për të vjellë. Kam qenë gjithmonë kritiku më i madh i vetes, madje edhe kur kisha një trup të mirë. Asnjëherë nuk jam ndjerë perfekt. Gjithmonë i ka munguar diçka trupit tim.  Mund të gjeja miliona gjëra gabim tek vetja, të cilat më bënin të shkoja sërish në palestër”.