4 vjet nga aksidenti i Schumacher, çfarë po ndodh me legjendën?

Kanë kaluar 4 vjet nga aksidenti i tmerrshëm dhe ende nuk ka asnjë lajm rreth gjendjes shëndetësore të legjendës së Formula 1, Michael Schumacher.

Shumë thashetheme janë thënë që nga ajo kohë në lidhje me gjendjen shëndetësore të 7 herë kampionit të botës, por asgjë nuk ka qenë e vërtetë.

Më 29 dhjetor Schumacher mbush 4 vjet që po lufton me jetën por rreth tij nuk ka asnjë lajm, ndërsa kur një revistë guxoi të thoshte se Schumacher ishte në gjendje të ecte përfundoi në gjyq për shpifje.

Është shkruar se Michael loton kur sheh fëmijët, që kostot e kurimit po kapin shifra stratosferike, që është dobësuar shumë e mjaft gjëra të tjera, por të gjitha janë përgënjeshtruar. Një errësirë e frikshme në lidhje me atë që ndodh realisht me pilotin gjerman, që ndodhet pranë familjes së tij, por pakkush e takon.