Allegri mban premtimin, sa shumë të rinj debutojnë nesër

Trajneri Massimiliano Allegri i Juventusit ditën e sotme në konferencën për shtyp është shprehur se në sfidën që mund të sigurojë titullin ndaj Spal do të ketë shumë futbollistë të rinj. Strategu i njohur livornez ka vendosur që të lërë pushim një pjesë të mirë të yjeve për të qenë sa më të freskët për ndeshjen e kthimit ndaj Ajaxit, që do të luhet të martën në mbrëmje.

Coccolo, Gozzi, Kastanos, Nicolussi Caviglia dhe Mavdidi, do të kenë shansin e artë për të pasur disa minuta hapësirë me kampionët e Italisë. Ata kanë bërë foto së bashku nga treni ku kanë udhëtuar ditën e sotme  në Emilia-Romagna. /Koha Jone/