Ancelotti tek Milani? Montella me përgjigjen e tij lë gazetarët me ‘gojë hapur’

Pavarësisht fitores në Europa League, Montella nuk i ka shpëtuar pyetjeve të gazetarëve në lidhje me situatën aktuale të Ancelottit.

Tekniku italian ka befasuar të gjithë me përgjigjen e tij pasi u tregua i gatshëm të sakrifikohet duke i lënë të lirë pankinën kuqezi, shkruan “Calciomercato.com”.

“Për Carlo Ancelottin kam një vlerësim të pamasë. Kur fillova këtë zanat ka qenë i pari trajner që kam parë të punojë nga afër, mund të vijë te Milani kur të dojë për të qenë zëvendësi im, ose unë i tiji”, u shpreh ai.

Ish-trajneri i Chelseat, Real Madridit, PSG-s dhe Milanit, ishte në krye të Bayernit gati 15 muaj duke marrë postin nga Pep Guardiola në korrikun e vitit 2016.