Andre Silva shpëton sërish Milanin, Roma mund Krotonen (VIDEO)

Milani mban gjallë shpresat për një vend në Champions, teksa sot ka mundur me përmbysje 3-2 Kievon. Kuqezinjtë e nisën mjaft mirë ndeshjen duke kaluar në avantazh që në minutën e 10-të me turkun Çalhanoglu. Skuadra e Gatuzos dominoi në lojë, por pësoi një bllokim në mesin e pjesës së parë.

Në minutën e 33-të, Xhakerini futet mjaft mirë nga e majta në zonë duke pasur për Stepinskin, i cili e ka të thjeshtë për ta shtyrë topin në rrjetë. Pa festuar mirë golin e parë, Kievo bën surprizën duke shënuar golin e dytë. Këtë herë është Inglese që realizon një gol shumë të bukur në hyrje të zonës. Në minutat shtesë Kesi humbi një penallti, pasi Sorrentino e ndali mjaftë mirë.

Pas pushimit skuadra e Gatuzos shton presionin, teksa do të gjente golin e barazimit me Kutronen në minutën e 54-t. 8 minuta nga fundi i ndeshjes shpëtimtari i kuqezinjve është sërish Andre Silva që shpëton kuqezinjtë duke shënuar golin e avantazhit, i dyti radhazi.

Roma ka fituar në transfertë 2-0 ndaj Krotones me golat e El Sharauit dhe Naingolan. Atalanta ndërkohë ka shkatërruar 5-0 Veronën. Josip Iliçiç ka shënuar tripletë, ndërkohë që golat e tjerë u realizuan nga Kristante dhe Gomez. /Koha Jonë/