Asani: Me Gegën kam më shumë liri, Luftëtari rival i vështirë

Në konferencën e sotme për shtyp, pranë trajnerit Skënder Gega ishte edhe mesfushori, Jasir Asani. I pyetur nga gazetarët e pranishëm në sallë për bashkëpunimin me dy shokët e tjerë të skuadrës, Bardhin dhe Malën.

“Jemi si një familje e madhe dhe punojmë shumë në stërvitje për këtë së bashku”- tha 23-vjeçari i lindur në Shkup.

Sezonin e kaluar Asani realizoi katër gola në 29 ndeshje të luajtura, ndërsa këtë edicion ai ka shënuar tri herë deri më tani në tetë javë kampionat.

“Profesor Gega na dha të gjithëve liri. Ndihem shumë i lumtur kur jap asiste edhe kur shënoj gjithashtu. E kemi provuar vitin e kaluar se kush ishte Luftëtari. Nesër kemi një ndeshje të rëndësishme dhe do të japim maksimumin”- tha Asani ndërsa nuk pranoi të komentonte lajmet rreth interesit që Basaksehiri ka shfaqur për të.

“Tani për tani jam këtu, nuk mendoj për asgjë tjetër”- tha ai. Mesfushori shqiptar nga Maqedonia theksoi se dëshiron të luajë një ditë me kombëtaren kuqezi, por para kësaj do donte titullin me Partizanin