Atalanta fiton me “manita”, Zapata i “çmendur” shënon 4 gola dhe arrin Ronaldon (VIDEO)

Atalanta vijon të fitojë dhe të dhurojë spektakël në Seria A. Skuadra e Gasperini ka shkatërruar 5-0 Frosinonen në transfertë.

Ndeshja nisi në mënyrën më të mirë për bergamaskët që kaluan në avantazh që në minutën e 11-të me mbrojtësin Mancini, i cili realizoi golin e pestë në këtë sezon.

Më pas ndeshja është e gjitha për sulmuesin Duvan Zapata, i cili shëno plotë katër gola, duke marrë topin në shtëpi. Sulmuesi i bergamaskëve arriti Cristiano Ronaldon në krye të golashënuesve me 14 gola të shënuar në këtë sezon.

Atalanta ngjitet në kuotën e 31 pikëve pas kësaj fitoreje, duke arritur Milanin. /Koha Jone/