Atletico mund Sociedad dhe fluturon në krye, fitorja e 300-të për Simeonen (VIDEO)

Atletico Madrid vijon ecurinë e rezultateve pozitive në La Liga, duke marrë një fitore të pastër 2-0 në transfertën e vështirë ndaj Real Sociedad.

Skuadra e Simeones do të vuante në 45-minutat e para duke mos krijuar shumë mundësi shënimi. Në fillimin e pjesës së dytë Mario Hermoso kaloi në avantazh Los Colchoneros.

Në minutën e 74-t, Marcos Llorente realizoi edhe golin e dytë duke mbyllur llogaritë e kësaj sfide. Kjo ishte fitorja e 300-të në karrierë për Simeonen si trajner në 499 ndeshje. Atletico ndërkohë mbetet në krye me 32 pikë, 3 më shumë se Reali. /R.Lika-Koha Jone/