Barcelona më në fund dorëzohet, Rafinja është i Interit për 35 mln euro

Inter më në fund ka gjetur akordin për transferimin e Rafinjës nga skuadra e Barcelonës. Klubi blaugrana, pas një jave tratativa ka vendosur për ta lënë të lirë në formë huazimi deri në fund të sezonit, me të drejtën e zikaltërve për të blerë kartonin e tij për 35 milionë euro, plus 3 bonus që do të jenë në bazë të paraqitjeve të tij.

Në rast se ky operacion finalizohet në verë me sukses atëherë, ai do të bëhet një nga shitjet më të shtrenjta. Rafinja do të jetë në Milano në fundjavë për të kryer nesër vizitat mjekësore. Të dielën ai do të jetë në tribunë për të ndjekur nga pranë ekipin e ri. /Koha Jonë/