Barcelona paralajmëron dy blerje të mëdha: Jemi në negociata…

Kur kanë mbetur edhe dy ditë nga fundi i merkatos, sekretari teknik i Barcelonës, Robert Fernandez ka paralajmëruar se katalanasit pritet të bëjnë një ose dy transferta të bujshme.

Në një intervistë për “Goal.com”, Fernandez konfirmoi se Barcelona është në negociata.

“Ne po negociojmë me disa lojtarë për mundësinë e përfshirjes së tyre në ekip dhe shpresojmë të arrijmë një marrëveshje për të blerë një lojtar të ri. Ne kemi punuar për një kohë të gjatë dhe ndoshta vjen një lojtar ose dy lojtarë të tjerë sepse ne po negociojmë dhe mund ta gjejmë veten me një kornizë të favorshme për të sjellë një, ose ndoshta dy. Gjithkush e di se në çfarë situate është tregu dhe çfarë ka ndodhur, ekipet e dinë se çfarë është situata jonë, por fakti që ne kemi lëvizur shpejt na ndihmon të arrijmë një situatë të favorshme”, u shpreh ai.

Pas shitjes së Neymarit për 222 milionë Euro, Barcelona po kërkon të përforcohet duke afruar në skuadër lojtarë të mëdhenj.

Megjithëse agjenti Jorge Mendes e mohoi, Angel Di Maria dhe Philippe Coutinho janë dy objektivat e mëdha të Barcelonës.

/ SYRi.net /