Bayerni mund AEK-un për dy minuta, Valencia frenohet ndaj Young Boys (VIDEO)

Bayern Munich nuk ka dhuruar asnjë surprizë, duke fituar 2-0 ndaj AEK-ut.  Bavarezët e kanë siguruar fitoren në pjesën e dytë, në harkun e dy minutave. Ka qenë Javi Martinez që ka zhbllokuar ndeshjen në minutën e 61-të, ndërsa Robert Lewandowski e ka mbyllur atë në të 63-ën.

Në takimin tjetër, atë të luajtur në Zvicër mes Young Boys dhe Valencia-s, i vlefshëm për javën e tretë të Grupit H, vendasit kanë arritur të marrin pikën e parë në këtë Champions falë një barazimi 1-1.

Spanjollët kanë kaluar në avantazh me Batshuayi-n në minutën e 26-të, ndërsa miqtë janë kundërpërgjigjur në minutën e 55-të me Hoarau. Ky rezultat nuk ka ndikuar në renditjen e grupit, me zviceranët që mbeten në vendin e fundit, ndërsa spanjollët janë në të tretin me dy pikë.