Bonaventura do të operohet, mbyll sezonin me Milanin

Jack Bonaventura duhet të operohet për të zgjidhur problemin që ka në gjurin e majtë.  E vetmja zgjidhje ka mbetur ndërhyrja kirurgjikale, një vendim i marrë në konsensus të plotë mes shoqërisë dhe futbollistit.

Operacioni, fatkeqësisht, zgjat më shumë periudhën e riaftësimit: mesfushori do të qëndrojë jashtë fushave të blerta nga 4 deri 5 muaj.  Ndërhyrja kirurgjikale është programuar në ditët në vijim e kjo do të thotë se Bonaventura do të mund të kthehet nën urdhrat e Gattusos në periudhën mars-prill.

Mesfushori praktikisht ka humbur sezonin, teksa Gattuso mund ta ketë në dispozicion vetëm për pak ndeshje në fund të kampionatit. Drejtuesit kuqezi duhet të ndërhyjnë në merkaton e janarit për të siguruar një lojtar që luan në të njëjtin rol.