Buffon voton për “Topin e Artë”: E meriton Mbape, është fenomen

Gianluigi Buffon ka befasuar të gjithë, duke dhënë emrin e tij në lidhje me futbollistin që sipas tij meriton që të shpallet si më i miri në botë. Portieri i Paris Saint Germain voton shokun e tij të skuadrës dhe njëkohësisht një prej talenteve më të mëdha që ka prodhuar futbolli francez në dekadat e fundit.

“Topi i Artë duhet të shkojë për Kylian Mbappe. Duke parë cilësitë e tij, por edhe për atë çfarë tregon në fushë dhe sa vendimtar ishte në fitimin e Kupës së Botës nga Franca, them që e meriton Topin e Artë. Mbappe është një fenomen dhe nëse do të dëshirojë të jetë më i mirë, mendoj që do të ketë një karrierë të gjatë dhe shumë të suksesshme”, theksoi Buffon.