Bundesliga, sot luhet klasikja Dortmund-Bayern Mynih

Bundesliga gjermane ndizet sot me klasiken Borussia Dortmund-Bayern Mynih. Verdhezinjtë janë kryesuesit e kampionatit me 24 pikë pas 10 ndeshjeve të para dhe po kalojnë një formë shumë të mirë.

Bayerni ka si alternativë të vetme fitoren në duelin që luhet sot në orën 18:30 pasi ndodhet 4 pikë mbrapa.

Të dyja skuadrat do të zbresin në fushë me formacionin më të mirë ndërsa talentet e verdhezinjve janë gati për të ndëshkuar edhe Bayernin.

Trajneri Lucien Favre kërkon që skuadra e tij të luajë mirë dhe e kujdesshme në mbrojtje dhe me inteligjencë në fazën sulmuese. Klasikja e futbollit gjerman prodhon gjithmonë spektakël dhe atmosfera që krijohet në stadium është fantastike.