Butragueno: Reali është i fortë edhe pas largimit të Ronaldos

Emilio Butragueno, drejtor i Marrëdhënieve Institucionale të Real Madridit, foli me gazetarët gjatë eventit “Movies Sporti & TV 2018″, në Milano. Ai analizoi situatën në klubin merengues.

“Ende nuk kemi kaluar as gjysmën e sezonit. Kemi një ekip të madh dhe jemi optimistë për mundësinë e fitimit të të gjitha garave, në të cilat marrim pjesë.

Cr7? Ne mbetemi Real Madridi edhe pa atë. Ronaldo është një lojtar i madh dhe do të jetë gjithmonë pjesë e madhe e historisë sonë. Megjithatë, jemi të bindur se kemi një ekip shumë të fortë, pavarësisht mungesës së tij”.

Objektivat? Do të shohim çfarë do të ndodhë, por dihet shpirti i ekipit të Real Madridit. Ka pritshmëri të mëdha ndaj nesh, por po e përsëris: duam të kemi sukses në të gjitha garat”, tha Butrageno për “RMC Sport”.