“Buzëqesh” Luis Enrique, një rikuperim i rëndësishëm për sfidën me Bayernin

PSG sheh një rreze shprese nga infermieria në prag të një prej ndeshjeve më të rëndësishme të sezonit. Në horizont është gjysmëfinalja e parë e Champions League ndaj Bayern Munich, e planifikuar për të martën.

Sipas komunikimit zyrtar të klubit, pak para konferencës për shtyp të trajnerit Luis Enrique, gjendja e Vitinha paraqitet në përmirësim. Mesfushori portugez kishte pësuar një inflamacion, por po vijon trajtimin dhe situata aktuale lë vend për optimizëm të kujdesshëm sa i përket rikthimit të tij në dispozicion për përballjen europiane.

Ndryshe paraqitet situata për Nuno Mendes. Mbrojtësi i majtë, i dëmtuar në ndeshjen kundër Liverpool, nuk është përmendur në raportin e fundit mjekësor, duke lënë ende të paqartë gjendjen e tij fizike.