Capello: Lopetegui shpresoj të ketë fatin tim, edhe mua më dhanë 4 ditë kohë

Ish-trajneri i Realit, Fabio Capello ka folur për momentin delikat të ekipit spanjoll pasi ishte i ftuar në Sky Italia.

“Shpresoj që Lopetegui të ketë fat tim. Edhe mua më dhanë katër ditë kohë para El Clasicos, por skuadra reagoi mirë dhe arritëm madje që të fitonim edhe kampionatin. Reali ka probleme të shumta në mbrojtje dhe në lojë.

Nuk kanë rrjedhshmëri në aksionet e tyre. Kur humbet një top në Bernabeu, publiku fillon që të të vërshëllejë. Pa Cristianon nuk mund të fitosh çdo ndeshje 1-0. Është e qartë që mungon një zëvendësues për të”, deklaroi Capello. /Koha Jone/