Cavani flet për sherrin me Neymarin: Ja e vërteta…

Edinson Cavani ka konfirmuar se nuk ka asnjë problem me bashkëlojtarin e tij nga Paris Saint-Germain, Neymar.

Sulmuesi uruguaian ka thënë se ata kanë biseduar në dhomat e zhveshjes por theksoi se nuk kanë mosmarrëveshje pas përplasjes për penallti në ndeshjen kundër Olympique Lyon.

“Janë gjëra që ndodhin në futboll, gjëra që nganjëherë zmadhohen nga mënyra si janë në realitet, zgjidhen në dhomat e zhveshjes. Gjithçka ka një zgjidhje, gjithçka është e qetë”, deklaroi Cavani për mediat franceze.