Chelsea nuk heq dorë nga Hysaj, gati 50 milionë euro për ta “rrëmbyer” në janar

Emri i Elseid Hysaj është rikthyer në modë për skuadrën e Chelsea-t. Mbrojtësi i Napolit mund të ndryshojë skuadër që në merkaton e janarit. Sipas gazetës italiane “Corriere dello Sport”, Blutë e Londrës janë të gatshëm që të shpenzojnë 200 milionë euro për t’i plotësuar dëshirat trajnerit të tyre Maurizio Sarri.

50 milionë euro do të përdoren për të transferuar mbrojtësin e kombëtares sonë, i cili nuk po arrin që të përshtatet me skemat e trajnerit Carlo Ancelotti. Një motiv që të shtyn të besosh që palët mund të krisen që në janar dhe pse jo të shohim Hysajn në Premier League në një nga skuadrat që po luan futbollin më tërheqës. /Koha Jone/