Çmenduri në “San Siro”, Kievo përmbys Milanin për dy minuta (VIDEO)

Kievo po bën surprizën në “San Siro” ndaj Milanit. Kuqezinjtë e nisën mjaft mirë ndeshjen duke kaluar në avantazh që në minutën e 10-të me turkun Çalhanoglu. Skuadra e Gatuzos dominoi në lojë, por pësoi një bllokim në mesin e pjesës së parë.

Në minutën e 33-të, Xhakerini futet mjaft mirë nga e majta në zonë duke pasur për Stepinskin, i cili e ka të thjeshtë për ta shtyrë topin në rrjetë. Pa festuar mirë golin e parë, Kievo bën surprizën duke shënuar golin e dytë.

Këtë herë është Inglese që realizon një gol shumë të bukur në hyrje të zonës. /Koha Jonë/