Conte kërkon 23 milionë euro për t’u “divorcuar” nga Chelsea

“Divorci” mes bluve të Londrës dhe trajnerit Antonio Conte do të zgjidhet në gjykatë. Ish-tekniku i Italisë mësohet se i ka refuzuar kërkesat për takim nga klubi i tij deri pak muaj më parë, për zgjidhjen me marrëveshje të kontratës e tashmë përfaqësuesit e tij ligjorë po punojnë në dy drejtime: për zgjidhjen e çështjes në KAS (Gjykata e Arbitrazhit Sportiv) dhe në Gjykatën e Punës.

Conte do të përfitonte 11.3 milionë paund për vitin e fundit të kontratës me Chelsea-n, plus edhe 8.7 milionë euro dëmshpërblim për një total prej 20 milionë paundësh (rreth 23 milionë euro).

Chelsea nuk dëshiron të paguajë një shumë të tillë, ndaj ka argumentat e tij mbrojtës për shkarkimin e tij, sikurse janë sms-të dërguar Diego Costas, mungesat e trajnerit në eventet e organizuara nga sponsorët, pa harruar edhe vonesat në daljet në konferenca për shtyp apo parkimin në vendin e gabuar në qendrën sportive “Cobham”.