Coutinho e tepron, gati të bëjë edhe grevë për t’u shitur te Barcelona

Philippe Coutinho është i vendosur të shkojë te Barcelona, ndonëse Liverpool nuk e lejon. Sipas katalanases El Mundo Deportivo, braziliani është gati të bëjë gjithçka, madje të nisë edhe një grevë, duke e kaluar të gjithë sezonin në tribunat e Anfield Road, për të detyruar klubin ta shesë.

Trajneri Klopp dhe drejtuesit refuzojnë ta shesin, por tani sjellja e lojtarit do të shkaktojë një çarje të madhe mes tyre, si dhe me tifozët, ndërkohë që Coutinho po vë në rrezik edhe shanset për të marrë pjesë në Kupën e Botës me Brazilin.