Daja: Të qëndrojmë me këmbë në tokë, Koliçi na mbajti në lojë

4 fitore radhazi në kampionat nuk kishte si të mos e kënaqin trajnerin e Flamurtarit, Ilir Daja. Gjithsesi strategu i njohur kërkon që lojtarët e tij të qëndrojnë me këmbë në tokë.

“Jam i kënaqur, sepse kemi fituar ndaj vendit të tretë, sot ndaj vendit të dytë, Kukësit. E kemi nisur ndeshjen jo mirë, me shumë probleme. Vlen të përmendet fakti se ndër lojtarët më të rëndësishëm ishte Koliçi, i cili na mbajti në lojë, sepse nuk kishim ekuilibër prapa. Dihet që 70% të ndeshjeve i fiton ekipi që fiton i pari. Më pas arritëm ta ekuilibronim lojën. E dinim shumë mirë se do të ishte e vështirë.

Batuta me Sukajn gjatë ndërrimit? Nuk e di kur në karrierën tënde, në 5 ndeshje të kesh bërë 4 gola. Lojtarët me përvojë na ndihmojnë shumë, pasi e mbajnë grupin të bashkuar. Të gjithë bashkë, ata më motivojnë mua dhe unë ata. Kur them unë, i gjithë stafi. I kemi marrë ndeshjet një e nga një. Duhet të ulemi me këmbë në tokë, pas një dite pushimi, që ekipi e meriton plotësisht. Presidenti ka qenë shumë afër ekipit dhe besoj se ai do t’i japë zgjidhje situatës”, deklaroi Daja.