Dalin fotot e para pas dëmtimit të rëndë të Messit në krahun e djathtë

Lionel Messi është fotografuar për herë të parë që prej dëmtimit që e pësoi në fundjavë në ndeshjen ndaj Sevillës në La Liga. Argjentinasi theu një asht në dorën e djathtë në fitoren 4-2 të Barçës ndaj Sevillës të shtunën në “Camp Nou”, dhe si pasojë do të mungojë të paktën tri javë.

Barcelona do të luajë nesër kundër Interit në Ligën e Kampionëve, por ai nuk do të jetë në këtë ndeshje, por as në “El Classicon” që do të luhet në fundjavë.

Messi pritet t’i humbasë edhe, të paktën, katër ndeshje e radhës të Barcelonës. Fotografi të publikuara nga “Sport”, shfaqin Messin me dorën e mbështjellë në fashë, por me fytyrë të buzëqeshur teksa shëtit.