Dalin pamjet, si Rudiger e “futi në xhep” Haaland për gjithë ndeshjen (VIDEO)

Sporti E Mërkurë, 10 Maj 2023 16:26

Erling Haaland ishte një nga më të dobëtit në fushën e lojës mbrëmjen e djeshme ndaj Real Madridit. Edhe pse pritej shumë nga sulmuesi me statistikat më të frikshme të momentit, asgjë nuk ndodhi prej tij në “Bernabeo”.

Arsyeja është një dhe e vetme: Antonio Rudiger. Mbrojtësi gjerman e nisi ndeshjen si titullar për shkak të mungesës së Militaos së skualifikuar dhe bëri një paraqitje fantastike.

Ai përdori një taktik të veçantë duke e mbajtur Haaland gjithnjë nën presion dhe duke e bezdisur me veprimet e tij. Pamjet në fakt kanë bërë xhiron e rrjeteve sociale. Norvegjezi tentoi vetëm në tri raste portën, në dy i ndalur nga portieri Courtois dhe njëherë nga Alaba. /R.Lika-Koha Jonë/