Dembele kryen sot vizitat mjekësore me PSG, mund të luajë që këtë fundjavë

Ousmane Dembele mund të quhet lojtari më i ri i PSG. Sipas L’Equipe, mbrojtësi do i nënshtrohet sot vizitave mjekësore dhe më pas do të nënshkruajë për 5 sezone me klubin parisien.

Kanë qenë negociata të gjata mes francezëve dhe Barcelonës, që në fund kanë patur një fund të lumtur. Në rast se gjithçka shkon mirë, trajneri i PSG-së, Luis Enrique mund ta ketë në dispozicion nënshkrimin e tij të ri për ndeshjen e së shtunës kundër Lorientit të vlefshëm për javën e parë në Ligue 1.

Eksperienca e Dembele në Barcelonë, nuk shkoi sipas pritshmërive të tij, teksa rikthimi në Francë shihet si një mundësi që duhet shfrytëzuar.