Dembele në hapat e fundit drejt Barcelonës, i pabesueshëm çmimi i transferimit

Barcelona dhe Borussia Dortmund janë shumë pranë arritjes së marrëveshjes për transferimin e francezit, Ousmane Dembele.

Lajmi është konfirmuar nga “Bein Sports”, ku thuhet se Barcelona do të paguajë 120 milionë euro dhe 30 të tjera bonuse.

Takimi final mes dy klubeve do të zhvillohet sot në Monaco dhe më pas do të bëhet zyrtarizimi nga të dy skuadrat për mesfushorin me tipare sulmuese.

Dembele kështu do të bëhet lojtari i dytë më i shtrenjtë në histori të futbollit, pas Neymar, i cili për 222 milionë euro kaloi nga Barcelona te PSG-ja.