Dëmtohet Alexis Sanchez, kiliani ka një mesazh të rëndësishëm

Alexis Sanchez ka pësuar një dëmtim në kyçin e këmbës dhe aktivizimi i tij pritet të jetë në dyshim në ndeshjen ku Kili do të luajë kundër Bolivisë të vlefshme për eliminatoret e Botërorit “Rusi 2018”.

Futbollisti i njohur ishte në prag të transferimit tek Manchester City e cila ofroi 60 milionë sterlina por Arsenali vetëm në minutat e fundit refuzoi shumë të majme duke mbajtur kilianin, shkruan tabloidi britanik “The SUN”.

Kjo do të thotë se Manchester City do të presë deri në verën e ardhshme për të ringjallur interesin e tyre kur Sanchez të bëhet një lojtar i lirë pasi në verën e ardhshme i përfundon kontrata me Arsenalin.

Në një postim në Instastory”, sulmuesi i Arsenalit shkroi: “Kur bota ju kujton humbjet tuaja, kujtojeni atyre fitoret tuaja të paharrueshme. Një fitues është vetëm një humbës që përpiqet më shumë se një herë. Do ta kuptoni se ajo që sot duket si një sakrificë, do të përfundojë si arritja më e madhe e jetës suaj”.

/ SYRI.net /