“Derbi i Madoninës”, zbulohen formacionet zyrtare të Interit dhe Milanit

Interi dhe Milani dop të luajnë pas pak minutash “Derbin e Madoninës”, në një duel që e ka spektaklin e garantuar.

Zikaltrit e Spallettit e nisën keq kampionatin, por kanë rikuperuar, duke regjistruar 4 fitore radhazi, të cilat e kanë ngjitur në vendin e tretë me 16 pikë, ndonëse ende shumë larg Juventusit kryesues.

Nga ana tjetër, Milani ka bërë disa hapa false, por ka luajtur edhe një ndeshje më pak, ndaj ka mbetur disi mbrapa, në vendin e 10 me 12 pikë, ndaj në derbin e sotëm humbja mund të kushtonte shumë.

Interi do të luajë me treshen Perisic, Nainggolan dhe Politano pas krahëve të Icardit, ndërkohë që në krahun tjetër Gattuso kundërpërgjigjet me Susson, Higuain dhe Calhanoglu.