“Dhimbje koke” për Allegrin, dëmtohet sulmuesi i Juventusit, mungon…

Paulo Dybala do të kryejë ekzaminimet mjekësore menjëherë pas dëmtimit në gju mbrëmjen e djeshme në duelin ndërmjet Argjentinës dhe Brazilit.

Sulmuesi i Juventusit për shkak të dhimbjeve u detyrua të largohet në minutën e 57 duke braktisur fushën e blertë.

“Fox Sports” raporton se dëmtimi fillimisht nuk duket si diçka serioze por lojtari menjëherë pasi të mbërriojë në Torino do të kryejë vizitat mjekësore.

Kujtojmë që Brazili fitoi miqësoren 1-0 përballë Argjentinës falë golit në minutat e fundit nga Joao Miranda.

Në fundjavë Juventusi do të përballet me Genoan ndërsa Dybala pritet të lihet pushim për tu rikuperuar në duelin e rëndësishëm kundër Manchester United të vlefshme për Ligën e Kampioneve.