Dilaver Duka i bashkohet Partizanit, nesër miqësorja me Sivassporin

Dilaver Duka i është bashkuar skuadrës kryeqytetase në fazën përgatitore që po zhvillohet në Antalia të Turqisë. Mesfushori 29-vjeçar, i cili ka qenë pjesë e disa skuadrave në MLS (Amerikë) është vënë nën urdhrat e trajnerit Skënder Gega gjatë seancës së pasdites.

Të mërkurën ekipi do të zhvillojë testin e parë miqësor me turqit e Sivassporit, ndeshje e cila do të luhet në 13:00 me orën shqiptare. Sipas marrëveshjes paraprake, “Dilly” duhet të bindë trajnerin Gega gjatë periudhës së provës para se të firmosë me të kuqtë.