Disa nga statistikat më interesante të Derbit të Madoninës, Interi në avantazh

Sonte në mbrëmje Seria A sjell derbin e ndezur të Madoninës mes Interit dhe Milanit. Ky do të jetë derbi numër 167 në Serinë A. Në 84 sfidat e luajtura me Interin pritës, “zikaltrit” kanë fituar 31 herë, po 30 ndeshje kanë përfunduar në barazim, ndërsa 23 fitore i përkasin Milanit. Edhe golaverazhi është në favor të Interit 117/110.

Nëse merren në konsideratë edhe sfidat me Milanin pritës, atëherë avantazhi i Interit thellohet me 62 fitore përkundrejt 51 të “kuqezinjve”, ndërsa barazimet janë 55, gjithmonë duke iu referuar sfidave të kampionatit.

Për sa u përket përballjeve në total, në 221 ndeshjet e luajtura, Interi kryeson lehtësisht me vetëm dy fitore më shumë, 78 përkundrejt 76 të Milanit, ndërsa plot 67 herë derbi është mbyllur pa fitues. Edhe në këtë rast, diferenca në gola është vetëm dy, 199 ka shënuar Interi dhe 197 Milani.

Vlen të theksohet, se Milani rreth 8 vite që nuk fiton derbin, kur pritës është Interi, ndërsa Spalletti nuk humb një ndeshje ndaj kuqezinjve, që nga maji i 2006-ës, në atë Roma-Milan 1-2.