Duka komenton shortin: Do të doja grup me 4 Kombëtare, Skocia nuk më pëlqeu

Presidenti i FSHF, Armand Duka ka komentuar shortin e Ligës së Kombeve duke e cilësuar si kundërshtarë shumë të vështirë kombëtaren e Skocisë.

“Në grupin C janë skuadra të të njëjtit nivel, por nuk mund të thmi se jemi me fat. Do të doja që të ishim më shumë në një grup me 4 skuadra. Skocia nuk më pëlqeu, sepse është një distancë e largët, futbollistët lodhen. Të gjitha ndeshjet do të jenë të forta dhe do të jetë një edicion i bukur. Nuk ka 3 pikësha të sigurt.

Ky kompeticion do t’i shërbejë Shqipërisë pasi janë ndeshje mes ekipesh të një niveli të ngjashëm. Ne e meritojmë që të jemi pjesë e Europianit. Filloi sot me shortin, por duhet t’i përballojmë sfidat që do të kemi përpara”, tha Duka.