E kërkon Flamurtari, për Memushajn del në skenë një pistë e re

Ledian Memushaj pritet që të ndryshojë skuadër në muajin janar, pasi nuk po arrin që të përshtatet te skuadra e Beneventos. Për mesfushorin e kombëtares sonë ka disa oferta të ndryshme, teksa Salernitana është ekipi që e ka si prioritet.

Gjithsesi mediat italiane në ditën e sotme kanë zbuluar një “pistë” të re. Spezia, skuadër e Serisë B është në kërkim të një mesfushori cilësor, teksa në listë janë tre emra: Nicolas Viola, Fabrizio Melara dhe Ledian Memushaj. Mesfushori vlonjat nuk është në planet e skuadrës së Beneventos, por ka një kontratë shumë të kushtueshme.

Ky është edhe problemi kryesor për të realizuar këtë transferim në merkaton e janarit. Memushaj është edhe në listën e transferimeve të ekipit të Flamurtarit. Skuadra vlonjate ka gati një ofertë prej 200 mijë eurosh, por vështirë se mesfushori do të pranojë që të vijë në Kategorinë Superiore.