E konfirmon “Daily Mail”, Chelsea shumë pranë transferimit të yllit të Kosovës

Chelsea duke gjithmonë e më pranë mesfushorit shqiptar të Kosovës, Arbër Zeneli. Taboidi “DailyMail” raporton se ditën e nesërme, një vëzhgues i Buve të Londrës do të jetë i pranishëm në Amsterdam për të ndjekur 23-vjeçarin në sfidën kundër Ajaxit.

Skuadra londineze është gati të paguajë 5 milionë sterlina për shërbimet e mesfushorit të përfaqësues së Kosovës që aktivizohet te skuadra e Heerenvenit.

Zenelit i skadon kontrata me skuadrën holandeze në verën e këtij viti, teksa po punohet për transferimin e tij te Chelsea brenda muajit janar. Para se t’i bashkohet Kosovës, mesfushori 23-vjeçar ka qenë pjesë e kombëtareve të moshave të Suedisë.