E konfirmon gazeta “Marca”: Sadiku huazohet në Zvicër

Armando Sadiku ka vuajtur mongesën e hapësirave te skuadrave e Levantes, ndërkohë që pas dëmtimit të rëndë qëndroi për një kohë të gjatë jashtë fushave të lojës. E përditshmja spanjolle “Marca” e konfirmon largimin e shqiptarit nga La Liga.

Ai do të huazohet tek ekipi që ka luajtur përpara dy sezonesh deri në qershor, kur mbarojnë dhe ndeshjet e kampionatit. Fakti që është dhënë në huazim Sadiku, tregon se klubi spanjoll beson tek sulmuesi dhe tek forma e tij e mirë.

Dëmtimi që pësoi e mbajti atë jashtë fushave dhe njëherësh larg formës së tij optimale. Një operacion në gju është i rëndë dhe shumë lojtarë të tjerë të kalibrit botëror e kanë pasur shumë të vështirë rikuperimin. Kujtojmë që Sadiku është pjesë e ekipit të Levantes që në janarin e kaluar, pasi u transferua nga Legia e Varshavës për 1 milionë euro.

Sulmuesi kuqezi do të vijojë aventurën në Zvicër për të rifituar formën më të mirë.