Edhe Mbappe nis kapriçot te PSG-ja, mësoni çfarë ka bërë ylli 180 milionësh

U pagua 180 milionë euro, parà këto që do të derdhen në arkat e Monacos vetëm në verën e ardhshme, por edhe pse vetëm 18-vjeçar, ai fut në “xhepat” e tij 10 milionë euro në sezon. Por duket se paratë i kanë rënë në kokë Kilian Mbappe-së.

Të mërkurën në mbrëmje, në ndeshjen kundër Bayern Munchen, ku ai shënoi një nga golat, trajneri Emeri e thërriti në pankinë francezin, në minutën e 79-të, kur gjithçka ishte mbyllur.

Por pavarësisht kësaj, Kilian Mbappe u pa i irrituar me strategun spanjoll, duke treguar qartazi se nuk e pranoi zëvendësimin. Kaq u desh që mediat franceze ta gjykojnë për keq sjelljen e sulmuesit të PSG-së, i cili nisi shumë shpejt me kapriçot. Një tjetër “vatër” zjarri kjo te parisienët, pas asaj që ndodhi me Cavanin dhe Neymar.