Elbasani fiton thellë në 45 minutat e para ndaj Dinamos

Në “Air Albania Stadium”, ndeshja gjysmëfinale e Final Four-it mes Elbasani dhe Dinamo City është mbyllur me një epërsi të thellë 3-0 për skuadrën verdheblu pas 45 minutave të para.

Goudiaby u ndëshkua me karton të kuq që në minutën e 23-të, gjë që u shfrytëzua nga ekipi i Gvozdenovic.

Dy minuta më pas Elbasani godet me golin e Blaise Tsague. Vetëm dy minuta më vonë, sulmuesi ka dyfishuar avantazhin, duke vendosur ndeshjen në kontroll të plotë për skuadrën e tij.

Në minutën e 31-të është shënuar edhe goli i tretë për Elbasanin, duke thelluar diferencën dhe duke e vendosur Dinamon përballë një situate shumë të vështirë.