Erjona ironizon keq Xhemailin: Patatja ime nuk do të jetë kurrë …

Erjona Sulejmani është gjithmonë e më shumë aktive pas ndarjes nga mesfushori me origjinë shqiptare, Blerim Xhemaili. Bukuroshja e njohur pasi ka nisur një program televiziv në Itali, bëhet shpesh herë protagoniste në rrjetet sociale me postimet e saj.

Në një foto të hedhur së fundmi, ajo ka thumbuar ish-bashkëshortin e saj. “Patatja ime nuk do të jetë kurrë një garniturë”, shkruan Erjona në llogarinë e saj në Instagram.

Një fjali që me siguri i drejtohet Xhemailit, i cili është shprehur për mediat zvicerane, se ajo ka shfrytëzuar lidhjen me të për t’u bërë e famshme.

Çifti ka nisur procedurat e divorcit, ndërkohë që mbetet e vështirë që marrëdhënia të shpëtohet duke parë edhe inatin e madh që kanë grumbulluar me njëri-tjetrin. /Koha Jonë/