Festë spektakolare nga PSG për rinovimin e Mbappe: Historia shkruhet këtu!

Kylian Mbappe ka rinovuar zyrtarisht kontratën me PSG duke refuzuar Real Madrid. Kontrata e re e francezit është e vlefshme deri në vitin 2025.

“Historia shkruhet këtu. Këtu është Paris”, thotë Mbappe në videon e njoftimit të prezantimit, ndërsa presidenti Al Khelaifi kishte organizuar një ceremoni spektakolare në “parkun e Princave” për të festuar akordin për rinovim me yllin francez.

Fishekzjarre, festë dhe një bluzë ku shkruhej “Kylian është Parisi”, teksa tifozët e shumtë në shkallët e stadiumit shpërthyen në duartrokitje e kore për sulmuesin francez, që vendosi të rinovojë për tre sezone.